CAVIAR ikerketa-taldeak jasangarritasuna, natura-ondarearen berreskurapena eta komunitatearen parte-hartzea sustatzen dituzten ekimenekin duen lankidetza indartzen jarraitzen du. Joan den uztailaren 9an, taldeko hainbat kide Plentziako Herri Lurrak elkarteak bultzatutako proiektua bisitatu zuten, Plentziako Isuskitza mendian egiten ari diren lana bertatik bertara ezagutzeko.
Bertako basoa berreskuratzeko ekimena
En la visita participaron Urtza Uriarte Otazua, Claudia Pennese, Isabel Guevara Fernández y Saioa González Gutiérrez, miembros del grupo de investigación CAVIAR, junto a representantes de la Facultad de Educación y de la Dirección de Sostenibilidad de la Universidad del País Vasco/ Euskal Herriko Unibertsitatea (EHU), así como de BC3 – Basque Centre for Climate Change, Euskal Herriko Hazien Sarea (Red de Semillas de Euskadi) y Justicia Alimentaria.
Bisitan CAVIAR ikerketa-taldeko Urtza Uriarte Otazua, Claudia Pennese, Isabel Guevara Fernández y Saioa González Gutiérrez izan ziren, baita Euskal Herriko Unibertsitateko (EHU) Hezkuntza Fakultateko eta Jasangarritasun Zuzendaritzako ordezkariak ere. Haiekin batera parte hartu zuten BC3 – Basque Centre for Climate Change, Euskal Herriko Hazien Sarea eta Justicia Alimentaria erakundeetako ordezkariek.
Plentziako Herri Lurrak elkarteak, Plentziako Institutua eta Herri Eskolak eta Euskal Herriko Hazien Sareak garatutako proiektuaren helburua da Isuskitza mendiko 6.159 m²-ko eremua Euskal Herriko barietate tradizionalez osatutako elikagaien basoa bihurtzea.
Azken zortzi urteotan, eremu horrek eraldaketa handia izan du: eukaliptoak eta espezie inbaditzaileak kendu, eta haien ordez bertako espezieak eta fruta-arbolak landatu dira, hala nola sagarrondoak, madariondoak, gereziondoak, gaztainondoak, hurritzak eta mahastiak. Lan horrek jatorrizko ekosistema leheneratzen laguntzen du.
Kudeaketa jasangarri eta komunitarioaren eredua
Ibilbidean zehar, parte-hartzaileek elikagaien basoa gertutik ezagutzeko aukera izan zuten. Ekimen honen helburua da hariztia berreskuratzea, lur publikoen balioa azpimarratzea eta lurraldearen kudeaketa jasangarriagoa sustatzea.
Horrelako basoek biodibertsitatea indartzen dute, elikagaiak eta bestelako lehengaiak eskaintzen dituzte (hala nola fruituak, hosto eta sustrai jangarriak, sendabelarrak eta landare aromatikoak, perretxikoak edo zura), eta animalia eta intsektu espezie ugarirentzako habitat egokiak sortzen dituzte. Gainera, parte-hartzean, jabetza partekatuan, zaintza kolektiboan eta ingurune geografiko eta historikoaren ezagutzan oinarritutako komunitate-kudeaketaren adibide dira.
Bisitak aukera eman zuen parte hartu zuten erakundeen artean esperientziak partekatzeko eta ezagutza trukatzeko, baita leheneratze ekologikoa, jasangarritasuna eta herritarren parte-hartzea uztartzen dituen ekimen bat gertutik ezagutzeko ere. Balio horiek guztiek lotura estua dute CAVIAR ikerketa-taldeak ongizatearen, lurraldearen eta komunitate erresilienteagoen eraikuntzaren inguruan garatzen dituen ikerketa-ildoekin.