Txio Txio proiektuaren esparruan, oPEN Lab proiektuarekin lankidetzan, Iruñeko Arrotxapea auzoak hezkuntza- eta ingurumen-ekimen berritzaile bat jarri du abian, inguruko hegazti-aniztasunaren galera aztertzeko eta geldiarazteko. Programa Cardenal Ilundain eta La Compasión Escolapios ikastetxeetan ezartzen ari da, ikasleen eta irakasleen parte-hartze aktiboarekin, eta hezkuntza-jarduerak, inguruneko txangoak eta ROTXAPIA aplikazioaren garapena bultzatzen ditu, tokiko hegazti-fauna ezagutzeko eta zaintzeko tresna digitala.
Proiektuaren hasiera
2025eko urtarrilean, Daniel García Mina ornitologoak prestakuntza-saio bat egin zuen proiektuari hasiera emateko. Bertan, giza ekintzek hegazti-populazioei nola eragiten dieten azaldu zuen. Gainera, lehengoratzeko funtsezko estrategiak proposatu zituen, hala nola berdeguneak handitzea, habietarako etxolak jartzea eta habitat egokiak sustatzen dituzten beste neurri batzuk.
Txangoak Arrotxapean auzoko hegazti-fauna ezagutzeko
Auzoko hainbat tokitatik egindako irteeren bidez, ikasleek tokiko hegaztiak identifikatzeko, haien portaerak ezagutzeko eta hiri-naturarekin harremanetan dagoen aurkikuntza-jardunaldi batez gozatzeko aukera izan dute. Jarduera horiek ikasleen jakin-mina eta ingurumen-konpromisoa pizteko balio izan dute, baita ikasgelatik kanpoko ikaskuntza praktikoa sustatzeko ere.
2025eko otsailean eta martxoan Arrotxapean egindako txangoak
ROTXAPIA: hegaztiak, haien kantuak eta askoz gehiago ezagutzeko aplikazioa
Martxoan, La Compasión Escolapios ikastetxeko DBHko 4. mailako ikasleek lehen urratsa eman zuten ROTXAPIA aplikazioaren garapenean. Aplikazio horrek aukera emango du auzoko hegaztiak ezagutzeko, haien kantuak identifikatzeko eta espezie bakoitzari buruzko informazio garrantzitsua eskuratzeko.
Aplikazioa sortzeko saioa esperientzia aberasgarria izan zen, eta sormena, lankidetza eta ingurune naturalarekiko gogoa nabarmendu ziren. ROTXAPIA hezkuntza-, teknologia- eta ingurumen-tresna gisa planteatzen da, komunitate osoarentzat diseinatua.
ROTXAPIA aplikazioa sortzeko saioa La Compasión-Escolapios ikastetxean
