Irati Otamendi Irizar
Doktore Arkitektoa. Irakasle Elkartua
irati.otamendi@ehu.eus
Formakuntza akademikoa
UPV/EHUko Donostiako Arkitekturako Goi Eskola Teknikoko arkitektoa (2012); Madrileko Unibertsitate Politeknikoko Ondare Arkitektonikoa Kontserbatu eta Zaharberritzeko masterra (2013); Eusko Jaurlaritzaren PREDOC bekaren onuraduna (2014-2017); UPV/EHUko Ondare Arkitektoniko, Zibil, Urbanistiko eta Lehendik dauden Eraikuntzen Birgaikuntzako Unibertsitate arteko Doktorego Programako doktore arkitektoa (2020), Oria ibaiaren ardatzeko industria-ondare arkitektonikoa (Gipuzkoa): balorazioa, babesa eta kontserbazioa izeneko tesiarekin, Javier García-Gutiérrez Mosteirok (UPM katedraduna) eta Santiago Sánchez Beitiak (UPV/EHU katedraduna) zuzenduta, Cum Laude kalifikazio bikainarekin.
Irakaskuntza esperientzia
Irakaskuntzan hasi zen UPV/EHUko Arkitektura Saileko doktoratu aurreko prestakuntza-aldian, 2014-2015 eta 2015-2016 ikasturteetan, eta 2019-2020 ikasturtetik irakasle da UPV/EHUn. Hasiera batean, Energia Berriztagarrien Ingeniaritzako Gradua eta Ingeniaritza Mekanikoko Gradua irakatsi zituen, Adierazpen Grafikoko eta Ingeniaritza Proiektuetako Departamentuaren barruan. Gaur egun, Arkitektura Saileko irakasle elkartua da, Hirigintza eta Lurralde Antolamendu arlokoa, eta Hirigintza II: hiri-egitatea, Hirigintza III: hirigintza-legeria eta espazio libreen eta hiri-ekipamenduen antolamendua irakasgaietan irakasten du, Arkitekturaren Oinarrien graduan.
Ikerketa-esperientzia
Gaur egun, UPV/EHUko CAVIAR ikerketa-taldeko kide da, eta ikertzaile doktore gisa kontratatuta dago Euskadi 2020-2030 ZTBP dinamizatzeko eta hiri jasangarrien eremuan ezartzeko jarduketa-planean.
Aurretiko ikerketa-aldian, Monumentu-multzo industrial bat berrerabiltzeko prozesuari balioa emateko eta aktibatzeko proiektuan parte hartu du, koordinazio-lanak eginez: Orioko Zeramika Berria, Ana Azpiri Albisteguik zuzendua eta Eusko Jaurlaritzako Kultura eta Hizkuntza Politika Sailak eta Gipuzkoako Foru Aldundiak norgehiagoka bidez finantzatua. Doktoratu aurreko prestakuntzan, Eusko Jaurlaritzako Lurralde Plangintza, Hirigintza eta Hiri Berroneratze Zuzendaritzarentzat garatutako eta Rufino Javier Hernández Minguillónek zuzendutako Euskadiko eraikinen parkean epe luzerako ekintza-plana lantzeko aurretiazko azterlana proiektuan ere parte hartu du.
Nazioarteko biltzarretan parte hartu du ahozko komunikazioekin, eta aldizkarietan artikulu zientifikoak ere argitaratu ditu.
Esperientzia profesionala
Profesional liberal gisa, arkitekturako hainbat esparrutan lan egin du, erreformak eginez, txosten teknikoak idatziz edo artxibistika-lanak eginez. Hirigintzaren eta paisaiaren esparruan, Zestoako Paisaiaren Ekintza Plana idazten parte hartu du, eta dinamizatzaile gisa jardun du herritarrei kontsultatzeko eta hiriko esku-hartzeetan parte hartzeko prozesuetan. Ondare arkitektonikoaren eremuan jardun du, txosten teknikoak idazteko unean uneko lankidetzak eginez, eta KOMOMO proiektuan parte hartu du: Nola kudeatu ondare arkitektoniko modernoa modu kolektiboan, RB3 Innovación Urbana Integrados SLk zuzenduta Euskal Herriko Arkitektoen Gipuzkoako Elkargo Ofizialarentzat eta DoCoMoMo Iberico Fundazioarentzat. Azkenik, gaia zabaltzen lagundu du, artikuluak idatziz eta hitzaldiak emanez.
