Zer da Living Lab bat?
Living Lab bat berrikuntza-giro ireki gisa funtzionatzen duen laborategi-gune bat da. Komunitate eta ingurune errealetan zentratzen da, baita horiek osatzen edo erabiltzen dituzten pertsonetan ere. Helburu nagusia ingurunea eraldatzea da, lankidetza eta parte-hartze kolektiboko prozesuen bidez.
Oro har, ekimen mota hori tokiko enpresek, administrazio publikoak, unibertsitateek eta herritarrek osatutako elkarte publiko-pribatu batek koordinatzen du, “helize laukoitza” bezala ezaguna dena. Eragile horiek elkarrekin lan egiten dute teknologien, zerbitzuen eta balioen sorkuntza kolektiboan, eta horiek frogatu eta inplementatu egiten dira ingurunean eraldaketa esanguratsua gauzatzeko.
Zer rol jokatzen dute herritarrek Living Lab batean?
Living Lab batean, herritarrek funtsezko zeregina dute aldaketa estrategikoaren eragile gisa. Helburua ingurunea eraldatzea da, egunerokotasunean bizi-kalitatea hobetzeko. Ikuspegia herritarren beharrei eta esperientziei erantzutean datza, horiek baitira hiri-ingurune hurbilagoak eta iraunkorragoak bultzatzeko gakoa.
Behar eta esperientzia horiei heltzeko, proiektu eraldatzaileak batera sortzea sustatzen da. Herritarrek, toki-administrazioak, tokiko enpresek eta unibertsitateek aktiboki parte hartzen dute prozesu horretan. Eragile horietako bakoitzak baliabide, laguntza, produktu, zerbitzu eta/edo ezagutza berritzailearekin laguntzen du, komunitatearen eskaerak aseko dituzten konponbideak garatzeko.
Arrotxapeko Living Lab: Energia Positiboko Auzo baterantz
Living Lab bakoitzak bere helburu eta erronka espezifikoak ditu. Arrotxapearen kasuan, helburu nagusia ingurunea Energia Positiboko Auzo bihurtzea da. Erronka horien artean daude autonomia energetikoa lortzea, berroneratze sozioekonomikoa, kontsumoa murriztea eta bizi-kalitatea hobetzea. Ezagutzak partekatzea eta espazioen, pertsonen eta horietan garatzen diren jardueren arteko harremanak ulertzea da helburua.
Informazio gehiago: Living Lab Pamplona
